ពោធិ៍សាត់​៖​ កាល​វេលា​ម៉ោង​ ១១​និង​៣៥​នាទី​ព្រឹក​ថ្ងៃ​ទី​១១​ខែកុម្ភៈ​ ឆ្នាំ​២០១៩​ សមត្ថកិច្ច​ជំនាញ​បាន​ទទួល​ពាក្យបណ្ដឹង​ ករណី​រំលោភ​សេពសន្ថវៈ​នៅ​ចំណុច​ភ្នំ​តាងរ៉ាង​ ស្ថិត​ក្នុងភូមិ​វាល​ ឃុំ​សំរោង​ ស្រុក​ភ្នំក្រវាញ​ ខេត្តពោធិ៍សាត់​។​ ហេតុការណ៍​នេះ​កើតឡើង​កាលពី​ថ្ងៃ​ទី​ ៩​ខែកុម្ភៈ​ ឆ្នាំ​២០១៩​ វេលា​ម៉ោង​ ៩​ និង​ ៣០​នាទី​ព្រឹក​ បង្ក​ឡើង​ដោយ​ជនសង្ស័យ​ ឈ្មោះ​ ហ៊ិ​ន​ ដា​ ហៅ​ ហ៊ា​ង​ ភេទ​ប្រុស​ អាយុ​៥៩​ឆ្នាំ​ រស់នៅ​ភូមិ​ឃុំ​កើតហេតុ​ខាងលើ​ បាន​ទិញ​ស្រាថ្នាំ​ចំនួន​ ០២​លី​ត្រ​ ទៅ​ផឹក​នៅ​ខ្ទម​ចំការ​ជន​រង​គ្រោះ​ឈ្មោះ​ ទាវ​ សុ​ខុន​ ភេ​ស្រី​ អាយុ​៣៩​ឆ្នាំ​ រស់នៅ​ភូមិ​ឃុំ​ជាមួយ​គ្នា​

ក្រោយ​ពី​ជន​រង​គ្រោះ​ផឹកស្រា​ថ្នាំ​ជាមួយ​ជនសង្ស័យ​ អស់​ចំនួន​កន្លះ​លី​ត្រ​ ក៏​ស្រវឹង​រួច​លា​ជនសង្ស័យ​ចូល​ទៅ​ដេក​ក្នុង​ខ្ទម​ចំការ​របស់​ខ្លួន​ដែល​ប្រក​ដោយ​តង់​កៅស៊ូ​ពណ៌​ស​ ហើយ​ជនសង្ស័យ​ឈ្មោះ​ ហ៊ិ​ន​ ដា​ ហៅ​ហ៊ា​ង​ ក៏​ចូល​ទៅ​តាម​ក្រោយ​ចាប់​នារី​រង​គ្រោះ​សង្កត់​ដៃ​ ហើយ​ចាប់​សំរាត​ខោ​ខៅ​ប៊ូ​យ​ ជន​រង​គ្រោះ​មក​ក្រោម​អស់​ បន្ទាប់​មក​ប្រឡេះ​ឡេវ​ខោ​របស់​ខ្លួន​សំរាត​ចុះ​ក្រោម​ត្រឹម​ក្បាលជង្គង់​ រួច​ក៏​យក​ប្រដាប់​ភេទ​ខ្លួន​ ញាត់​ចូល​ប្រដាប់​ភេទ​ជន​រង​គ្រោះ​ធ្វើ​ចលនា​រំលោភ​សេពសន្ថវៈ​លើ​ជន​រង​គ្រោះ​រយះ​ពេល​ ១​ម៉ោង​ ទើបបាន​សម្រេច​ ដោយ​ គំរាម​កុំ​ឲ្យ​ជន​រង​គ្រោះ​ស្រែក​។​

ក្រោយ​ពី​រំលោភ​បាន​សម្រេច​ហើយ​ជនសង្ស័យ​បាន​មក​អង្គុយ​ផឹកស្រា​នៅ​ក្រៅ​ខ្ទម​ជន​រង​គ្រោះ​បាន​រយះ​ពេល​ប្រហែល​កន្លះ​ម៉ោង​ ក៏​ចូល​ទៅ​សុំ​រួមរ័ក​ជាមួយ​ជន​រង​គ្រោះ​ម្ដងទៀត​ តែ​ជន​រង​គ្រោះ​បដិសេធ​ ហើយ​បាន​ស្រែកហៅ​កូនស្រី​របស់​ខ្លួន​ដែល​បាន​ជ​ញ្ជាំ​ដំឡូង​នៅ​ចំការ​ក្បែរ​នោះ​ លឺ​ដូចនេះ​ជនសង្ស័យ​ក៏​ងើប​ដើរ​ចេញពី​កន្លែង​កើតហេតុ​ ពេល​នោះ​កូន​របស់​ជនសង្ស័យ​ឈ្មោះ​ ហ៊ា​ង​ សេរី​សោ​ភ័​ណ្ឌ​ ភេទ​ស្រី​ បាន​មក​ឃើញ​ទាន់​ហេតុការណ៍​នេះ​ដែរ​ រួច​ក៏​បាន​តេ​ទូរស័ព្ទ​ប្រាប់​ម្ដាយ​របស់​ខ្លួន​ ក្រោយមក​ដល់​វេលា​ម៉ោង​ ៦​ និង​ ០០​នាទី​ល្ងាច​ថ្ងៃខែ​ឆ្នាំ​ដដែល​ប្រពន្ធ​ ជនសង្ស័យ​ ឈ្មោះ​ អឿ​ន​ បាន​មក​ប្រើ​អំពើ​ហិង្សា​វាយតប់​ជន​រង​គ្រោះជា​ច្រើន​ដៃ​។​ លុះ​ដល់ទី​ ១០​ខែកុម្ភៈ​ ឆ្នាំ​២០១៩​ វេលា​ម៉ោង​ ៣​ និង​ ០០​នាទី​ល្ងាច​ ឈ្មោះ​ អឿ​ន​ ដែល​ត្រូវជា​ប្រពន្ធ​ជនសង្ស័យ​ក៏​បាន​មក​ប្រើ​ហឹ​ង្សា​លើ​ជន​រង​គ្រោះ​ម្ដងទៀត​បណ្ដាល​ឲ្យ​បែក​ហូរ​ឈាម​នៅ​លើ​ថ្ងាស​ និង​ជាំ​ខៀវ​ថ្ពាល់​ខាងឆ្វេង​។​

​លោក​វរសេនីយ៍ឯក​ តាន់​ គា​រិ​ទ្ធ​ អធិការ​នគរបាល​ស្រុក​ភ្នំក្រវាញ​បាន​ឲ្យ​ដឹង​ថា​ ក្រោយ​ពី​ទទួល​ពាក្យបណ្ដឹង​រួច​ សមត្ថកិច្ច​ជំនាញ​បាន​ធ្វើការ​ស្រាវជ្រាវ​ រួច​ក៏​ឃាត់ខ្លួន​ជនសង្ស័យ​ឈ្មោះ​ ហ៊ិ​ន​ ដា​ ហៅ​ ហ៊ា​ង​ ពី​បទ​រំលោភ​សេពសន្ថវៈ​លើ​នារី​រង​គ្រោះ​ឈោះ្ម​ ទាវ​ សុ​ខុន​ នៅ​អធិការដ្ឋាន​នគរបាល​ស្រុក​ភ្នំក្រវាញ​ ហើយ​កំពុង​តែ​កសាង​សំណុំរឿង​បញ្ជូន​ទៅ​តុលាការខេត្ត​ដើម្បី​ដោះស្រាយ​ទៅ​តាម​នីតិវិធី​៕​