កាលពីថ្ងៃម្សិលមិញ នៅលើបណ្តាញសង្គមហ្វេសប៊ុក លោកវ​ឌ្ឍនា សារ​ពង្ស ប្រធាន​គណបក្ស​ខ្មែរ​ក្រោក ប្រធានគណបក្សខ្មែរក្រោក បានបង្ហោះសារនៅលើបណ្តាញសង្គមយ៉ាងដូច្នេះថា “ការទាត់ចោលរបស់លោកពុំមានប្រសិទ្ធភាពទេ
ទស្សនៈមួយបាននិយាយថា «ចោរពុំដែលសារភាពថាខ្លួនចោរឡេីយ»
សំខាន់ឥលូវក្រសួងមហាផ្ទៃបានបេីកស្រាវជ្រាវស៊េីបអង្កេតហេីយ ។
សមាជិកឧត្តមក្រុមប្រឹក្សាពិគ្រោះនិងផ្ដល់យោបល់ពីគណបក្សខ្មែរក្រោក
និងបន្តតាមដានការស្រាវជ្រាវនោះថែមទៀត ដេីម្បីធានានូវភាពសុក្រឹត្យ

ប្រសិនជាការស្រាវជ្រាវនោះបានលទ្ធផលផ្ទុយពីការទាត់ចោលរបស់លោក
នោះបានន័យថាលោកមាន ចេតនា យ៉ាងប្រាកដ”។

ការលើកឡើងរបស់វិល្លាមនេះ​ ក្រោយពីវេបសាយមួយបានចុះផ្សាយថា នាយ​ឧត្តមសេនីយ៍​ផ្កាយ ៤ ​លោក​ ធឹម សុផា ​អគ្គនាយក​នៃ​អគ្គនាយកដ្ឋាន​សវនកម្ម​ផ្ទៃក្នុងនៃ​ក្រសួង​មហាផ្ទៃ​បាន​បដិសេធ​ចំពោះ​ការចោទប្រកាន់ និងរិះគន់​ របស់​ប្រធាន​គណ​បក្ស​ខ្មែរ​ក្រោកដែលថា ​លោក​បាន​កេណ្ឌ​សែស្រឡាយ​បក្ខពួក​គ្រួសារ​និយម​ រហូត​ដល់​ជាង​ ២០ ​នាក់​ឲ្យមកកាន់​តួនាទី​នៅក្នុង​អគ្គនាយកដ្ឋាន​សវ​នកម្ម​ ដោយ​លោក​ចាត់ទុកថា ​ជាការមួលបង្កាច់​ និង​ជាការបំពុល​សង្គម។

ការបដិសេធ​របស់​លោក ​ធឹម សុផា ​បានធ្វើឡើង​ខណៈដែល​នាយកដ្ឋាន​បុគ្គលិក​នៃ​ក្រសួង​មហាផ្ទៃ​បាន​និង​កំពុង​ស៊ើប​អង្កេត ទៅ​លើ​នាយ​នគរបាល​ជាន់ខ្ពស់​រូបនេះ ​ដោយសារតែ​លោកត្រូវ​បានលោកវ​ឌ្ឍនាសារ​ពង្ស ប្រធាន​គណបក្ស​ខ្មែរ​ក្រោក ​ចោទប្រកាន់​លោក​ផ្កាយ ៤ ​ធឹម សុផា ​បាន​កេណ្ឌ​សែស្រឡាយ​បក្ខពួក​គ្រួសារនិយម​ រហូតដល់​ ២២ នាក់ ​ឲ្យ​មកកាន់​ការងារ​ តួនាទី​នៅក្នុង​អគ្គ​នាយកដ្ឋាន​សវនកម្ម​ផ្ទៃក្នុងនៃ​ក្រសួង​មហា​ផ្ទៃ ​ក្រោម​ការដឹកនាំ​របស់​លោក។

លោក ធឹ​ម សុ​ផា ​បានប្រាប់ ការរិះគន់​ដោយគ្មាន​មូលដ្ឋាន​ច្បាស់លាស់​ និង​មិនត្រឹមត្រូវ​ដោយ​សារ​តែ​មានមន្ត្រី​របស់​លោក​ដែលមិន​សប្បាយ​ចិត្ត ​ជាមួយនឹង​លោក​ដែលបាន​ព្យាយាម​មួល​បង្កាច់។