​កំពង់ឆ្នាំង​ ៖​ បុរស​ម្នាក់​ បើករថយន្ត​ទាំង​ងងុយដេក​ បាន​រេ​ចង្កូត​ទៅ​បុក​រថយន្ត​មួយ​គ្រឿង​ទៀត​ បណ្តាល​ឲ្យ​រង​របួស​មនុស្ស​៤​នាក់​ លើ​ផ្លូវជាតិ​លេខ​ប្រាំ​ ត្រង់​ចន្លោះ​គីឡូម៉ែត្រ​លេខ​ ១០៦-១០៧​ ចំណុច​ស្ពាន​ សាប​អង្កាម​ ស្ថិត​នៅ​ភូមិ​ឈើ​នាគ​ ឃុំ​បន្ទាយ​ព្រាល​ ស្រុក​រលាប្អៀរ​។​

​តាម​របាយការណ៍​បាន​ឲ្យ​ដឹង​ថា​ នៅ​ថ្ងៃ​ទី​២៧​ ខែមករា​ ឆ្នាំ​២០១៩​ វេលា​ម៉ោង​២​និង​៤៥​នាទី​ លើ​ផ្លូវជាតិ​លេខ​ប្រាំ​ ត្រង់​ចន្លោះ​គីឡូម៉ែត្រ​លេខ​ ១០៦-១០៧​ ចំណុច​ស្ពាន​ សាប​អង្កាម​ ស្ថិត​នៅ​ភូមិ​ឈើ​នាគ​ ឃុំ​បន្ទាយ​ព្រាល​ ស្រុក​រលាប្អៀរ​ ខេត្តកំពង់ឆ្នាំង​ មាន​ករណី​គ្រោះថ្នាក់​ចរាចរណ៍​រវាង​ រថយន្ត​០១​ គ្រឿង​ម៉ាក​ TOYOTA​ RA4​ ពណ៌​សំបក​ឪឡឹក​ ពាក់​ស្លាក​លេខ​ ភ្នំពេញ​ 2C-8566​ បើកបរ​ដោយ​ឈ្មោះ​ លឹ​ម​ ឆៃ​គ្រី​ ភេទ​ប្រុស​ អាយុ​៣៦​ឆ្នាំ​ រស់នៅ​ភូមិ​ស្វាយ​អាត់​ ឃុំ​ស្នាម​ព្រះ​ ស្រុក​បាកាន​ ខេត្តពោធិសាត់​ ដោយ​មាន​អ្នក​រួម​ដំណើរ​ ០១​ នាក់​ប្រុស​ បើកបរ​ចេញពី​ទិស​ខាងលិច​ ទៅ​ទិស​ខាងកើត​ បាន​រេ​ចង្កូត​បុក​ជាមួយ​រថយន្ត​ ០១​ គ្រឿង​ ម៉ាក​ TOYOTA​ CAMRY​ ពណ៌​សំបក​ឪឡឹក​ ពាក់​ស្លាក​លេខ​ ភ្នំពេញ​ 2E-0295​ បើកបរ​ដោយ​ឈ្មោះ​ គូ​ សុផល​ ភេទ​ប្រុស​ អាយុ​៤០​ ឆ្នាំ​ រស់នៅ​ភូមិ​ព្រែក​ក្តី​ ឃុំ​ព្រែក​តា​ទែន​ ស្រុក​ពញាឮ​ ខេត្តកណ្តាល​ ដោយ​មាន​អ្នក​រួម​ដំណើរ​ ០១​ នាក់​ស្រី​ ក្នុង​ដំណើរ​ច្រាស់ទិស​គ្នា​ បណ្តាល​ឲ្យ​រង​របួស​៤​នាក់​ ស្រី​១​នាក់​ ធ្ងន់​២​នាក់​ ស្រី​ ០១​ នាក់​ ។​ ដោយ​មូលហេតុ​បញ្ហា​សុខភាព​(​ងោក​)​។​

​ចំពោះ​ខូចខាត​រថយន្ត​២​គ្រឿង​ខូចខាត​ធ្ងន់​ ត្រូវ​បាន​នគរបាល​យក​ទៅ​រក្សា​ទុក​នៅ​អធិការដ្ឋាន​នគរបាល​ស្រុក​រលាប្អៀរ​ ដើម្បី​ដោះស្រាយ​ជា​ក្រោយ​ ៕